سر حب الشباب للعزوبية ~~ هع

لماذا يحب الشباب.. العزوبية!!!!


ساعات تحس إن تفضيل حياة العزوبية عن الشباب مبدأ.. يعني مالوش علاقة بالمشاكل المادية والبطالة والشقة والمهر والعفش.. تحس يعني إنهم عايزين يفضلوا عزاب..


بعضهم طبعا مش كلهم..


بس يا تري أين الأسباب وراء المبدأ الغريب ده.. دي بعض الأسباب إللي قالها واحد منهم.. بيعشق العزوبية:



* أول حاجة تنام براحتك علي السرير.. لأنه بتاعك إنت بس من غير ما واحدة ترفصك في عزالليل وتوقعك علي الأرض..!!!!


* في الشتا البطانية واللحاف بتوعك لوحدك ومش هاتقوم آخر الليل تلاقيها ساحباها من عليك وسايباك تتلج في البرد...!!!


* تنام براحتك من غير إزعاج ولا واحدة تقومك في عز الليل وتقولك جوز خالتها تعبان ولازم تروح تشوفه..!!!


* ريموت التليفزيون يبقي بتاعك لوحدك من غير إزعاج ولا قلق ولا مسلسلات عربي تفور الدم ولا تركي مدبلج ولا نور وبرامج الطبيخ والموضة والماكياج ووجع الدماغ ده ..!!!


يعني طول النهار ماتشات وسبيس تون وأفلام أمريكي للصبح.


* تخرج علي كيفك وترجع برضه علي كيف كيفك من غير كنت فين واتأخرت ليه وجاي علي نفسك ليه والكلام ده كله.. يعني من غير ما تبقي عامل زي سندريللا ... تيجي عليك الساعة 12 بالليل تتكهرب وتجري وتسيب أصحابك!!!!


* وقت ما تحب تنزل تشتري حاجة وتلف تبقي براحتك مرة تلف ومرة تشتري ومرة تكبر دماغك وتقعد علي أي كافيه من غير ما ترجع شايل حاجات وشنط كل إللي فيها طبعا مش بتاعك!!!!!


* لو صادف الحظ وقابلت واحدة حلوة ولا سهرت معاها في حفلة مش هاتحس إن مستنيك في البيت حماتك بتسن السكاكين !!!!


انتهت الأسباب بس الصراحة كلها تهون أمام الاستقرار وعيل يشيل اسمك ويقولك "بابا جه .. بابا جه "


قدامك الاختيارين وانت لوحدك سيد قرارك!!!


وتمنياتي للعزاب بعزوبية منعشة ..


والمتزوجين بزواج هادئ ومريح ..!!!


وتحياتي لجميع الشباب .

_________________




بحبك انت آخر حاجة انا روحى ليك دايما محتاجة
انا لو هقول فيك كلام يطول حبيبى دا انت عندى اغلى حاجة
انا روحى عاشقة ومرتاحالك وعيونى دايما مشتاقالك
وياك بعيش احلام متنتهيش وحياتى ليك انا عشتهالك